7,4 մագնիտուդ ուժգնությամբ երկրաշարժ է տեղի ունեցել Մեքսիկայի հարավում՝ Պուերտո-Մադերո քաղաքում։ Այս մասին հայտնում է ԱՄՆ Երկրաբանական ծառայությունը։ Էպիկենտրոնը գտնվում է Պուերտո-Մադերո քաղաքի անմիջական հարեւանությամբ՝ Գվատեմալայի սահմանից ոչ հեռու։ Օջախի խորությունը 10 կմ է։ Մայրաքաղաքում երկրաշարժը շենք-շինություններ է ցնցել։ Հայտարարվել է ցունամիի վտանգ՝ Խաղաղ օվկիանոսի մերձափնյա հատվածում։ Բարեբախտաբար՝ ուժգին երկրաշարժը լուրջ ավերածությունների կամ մարդկային զոհերի պատճառ չի դարձել, ըստ իշխանությունների հայտարարության։
