«Հայաստան» դաշինքի պատգամավոր Արծվիկ Մինասյանը հայտարարել է, որ Հայաստանի երկրորդ նախագահ Ռոբերտ Քոչարյանի և գործարար Սամվել Կարապետյանի միջև հանդիպում չի կայացել։
Սահմանադրական դատարանի շենքի մոտ լրագրողների հետ զրույցում նա անդրադարձել է այն հարցին, թե արդյոք առաջիկայում հնարավոր է երկու քաղաքական կենտրոնների ղեկավարների հանդիպումը։ Մինասյանի խոսքով՝ նման քննարկում այս պահին չկա, իսկ եթե նման հանդիպում նախատեսվի, դրա մասին կհայտարարեն ինչպես «Հայաստան» դաշինքը, այնպես էլ Ռոբերտ Քոչարյանը։
Պատգամավորը նշել է, որ քաղաքական ուժի ներսում նման հարց օրակարգում չի քննարկվում։
