Ռուսաստանի պաշտպանության նախարարությունը հայտնել է, որ ՀՕՊ ուժերը գիշերը Ռուսաստանի երկնքում որսացել և ոչնչացրել են 272 ուկրաինական անօդաչու թռչող սարք։
«Անցած գիշեր՝ հունիսի 3-ի ժամը 20:00-ից մինչև հունիսի 4-ի ժամը 7:00-ն (Մոսկվայի ժամանակով), ՀՕՊ համակարգերը խափանել և ոչնչացրել են 272 ուկրաինական անօդաչու թռչող սարք Բելգորոդի, Բրյանսկի, Վոլգոգրադի, Վորոնեժի, Կուրսկի, Նիժնի Նովգորոդի, Օրյոլի, Ռոստովի, Ռյազանի և Տամբովի մարզերի, Ղրիմի Հանրապետության և Ազովի ու Սև ծովերի ջրերի վրա», - ասվում է Ռուսաստանի պաշտպանության նախարարության հաղորդագրության մեջ։
