ԱՄՆ նախագահ Դոնալդ Թրամփը հայտարարել է, որ պատրաստ է գնալ ռիսկի եւ հարուցել գլոբալ տնտեսական ճգնաժամ եւ վերականգնել պատերազմական գործողություններն ընդդեմ Իրանի, որպեսզի թույլ չտա, որ Թեհրանը մշակի միջուկային զենք։ Նա ասել է, որ միջուկային զենքը շատ ավելի կարեւոր է, քան տնտեսական դեպրեսիան, թեեւ տնտեսական դեպրեսիան էլ վատ բան է։ Սակայն միջուկային զենքը կարող է գլոբալ դեպրեսիայի բերել շատ ավելի արագ։ Թրամփը նաեւ ասել է, որ այն, ինչ անում է իր վարչակազմը՝ դեպրեսիայի հակառակն է։ «Եթե Իրանը չկատարի համաձայնագրի պայմանները եւ իրեն պահի ոչ արժանավայել կերպով, ապա ես կանեմ այն, ինչ պետք է անեմ»,- շեշտել է Սպիտակ տան ղեկավարը։
