Շրի Լանկայի բանտում տեղի ունեցած բախումների հետևանքով զոհվել է առնվազն 25 մարդ, վիրավորվել՝ ավելի քան 100-ը։ Զոհերի թվում են անվտանգության չորս աշխատակիցներ։
Ըստ Euronews-ի, իշխանությունները նշում են, որ սա վերջին հինգ տարվա ընթացքում ամենասարսափելի բանտային անկարգությունն է։
Ոստիկանության տվյալներով՝ վիրավորները տեղափոխվել են մայրաքաղաք Կոլոմբոյից հյուսիս գտնվող Նեգոմբոյի հիվանդանոց՝ երկու կալանավորների միջև գիշերը տեղի ունեցած բախումներից հետո։
Պաշտոնյաների տվյալներով՝ ծեծկռտուքը սկսվել է կիրակի երեկոյան Նեգոմբո բանտում, որտեղ պահվում է մոտ 10,000 կալանավոր։
Դեպքի վայր են կանչվել ոստիկանության հատուկ ստորաբաժանումներ, սակայն դրանք բանտի տարածքում չեն տեղակայվել։
Երկուշաբթի օրը բանտի դիմաց հավաքվել է կալանավորների հարազատների բազմությունը։
Տեղացի բնակիչները հայտնել են, որ լսել են կրակոցներ, իսկ իշխանությունները անօդաչու թռչող սարքեր են տեղակայել իրավիճակը վերահսկելու համար։
