Թուրքիայի արտաքին գործերի նախարարությունը Իսրայելի կողմից Օսմանյան կայսրությունում տեղի ունեցած Հայոց ցեղասպանությունը ճանաչելու որոշումը որակել է որպես քաղաքական և կապված Գազայում տիրող իրավիճակի հետ։
Ավելի վաղ հայտնել էինք, որ այսօրը Իսրայելի կառավարությունը հաստատել է Հայոց ցեղասպանությունը ճանաչող բանաձևը։
«Իսրայելի կառավարությունը ձգտում է թաքցնել իր սեփական հանցագործությունները՝ 1915 թվականի իրադարձությունների վերաբերյալ քաղաքական որոշում կայացնելով։ Իսրայելի որոշումը քաղաքական բնույթ ունի և անտեսում է պատմական և իրավական փաստերը», - ասվում է Թուրքիայի արտաքին գործերի նախարարության հայտարարության մեջ։
Անկարան նաև կարծում է, որ այս քայլը ընդգծում է այն իրավիճակը, որում հայտնվել են Իսրայելի վարչապետ Բենիամին Նեթանյահուն և այլ իսրայելցի առաջնորդներ՝ Գազայի հատվածում իրենց գործողությունների հետ կապված միջազգային իրավական գործընթացների ֆոնին։ Թուրքիայի արտաքին գործերի նախարարությունը ընդգծել է, որ իրենք կշարունակեն ձգտել վերջ դնել Իսրայելի քաղաքականությանը, որն «ուղղված է տարածաշրջանի անկայունացմանը»։
Ավելի վաղ Թել Ավիվի և Անկարայի միջև հարաբերությունների շարունակական սրման ֆոնին Իսրայելի արտգործնախարար Գիդեոն Սաարը հայտարարել էր, որ կառավարության հաջորդ նիստին կներկայացնի Հայոց ցեղասպանությունը պաշտոնապես ճանաչող բանաձևի նախագիծ:
