Վենեսուելայում տեղի ունեցած ավերիչ երկրաշարժից հետո փրկարարներին հաջողվել է փլատակներից ողջ դուրս բերել 33 մարդու: Այս մասին հայտնել է երկրի լիազոր նախագահ Դելսի Ռոդրիգեսը։
«Հիմա ծայրահեղ կարևոր ժամեր են, երբ դեռ կարելի է կյանքեր փրկել։ Մենք, ովքեր ուղղակիորեն չեն մասնակցում այս աշխատանքներին, աղոթում ենք, որ հնարավոր լինի մարդկանց կենդանի գտնել: Այսօրվա դրությամբ մեզ հաջողվել է ողջ փրկել 33 մարդու», - ասել է Ռոդրիգեսը արտասահմանցի փրկարարների հետ հանդիպման ժամանակ։
Նա շնորհակալություն է հայտնել երկիր ժամանած արտասահմանյան որոնողափրկարարական թիմերին՝ տարերային աղետի հետևանքների վերացման գործում ցուցաբերած աջակցության համար:
Վենեսուելայում հունիսի 25-ին երկու հզոր երկրաշարժ է տեղի ունեցել: ԱՄՆ Երկրաբանական ծառայության տվյալներով՝ առաջին երկրաշարժի մագնիտուդը կազմել է 7,2, երկրորդինը՝ 7,5: Դրանից հետո գրանցվել է ևս մոտ 30 հետցնցում։
Տարերային աղետը հանգեցրել է բնակելի տների և ենթակառուցվածքների օբյեկտների մասշտաբային ավերածությունների, բժշկական հաստատությունների վնասների, ինչպես նաև երկրի գլխավոր օդանավակայանի փակման:
Հիշեցնենք, որ ավերիչ երկրաշարժերի հետևանքով տուժել են նաև հայեր, մեր հայրենակիցների շրջանում նաև անհետ կորածներ կան։
