87 տարեկան հասակում մահացել է Ռուսաստանի վաստակավոր թենիսի մարզիչ Վլադիմիր Կամելզոն-ը։ Այդ մասին տեղեկացրել է Ռուսաստանի թենիսի ֆեդերացիան՝ նշելով, որ մասնագետի մահվան պատճառները չեն հրապարակվում։ Ֆեդերացիան ցավակցություն է հայտնել Կամելզոնի ընտանիքին և հարազատներին։
Կամելզոնը եղել է ԽՍՀՄ սպորտի վարպետ թենիսում և համամիութենական կարգի մրցավար։ 1975 թվականին նա ստացել է Ուկրաինական ԽՍՀ վաստակավոր մարզչի կոչում, իսկ 2002-ին՝ Ռուսաստանի վաստակավոր մարզչի կոչումը՝ երկարամյա և արդյունավետ գործունեության համար։
Իր կարիերայի ընթացքում Կամելզոնը մասնակցել է միջազգային հեղինակավոր մրցաշարերի՝ ATP, WTA և ITF հարթակներում կազմակերպման և նախապատրաստման աշխատանքներին։ Նրա սաներից են հայտնի թենիսիստուհիներ Դարյա Գավրիլովա-ն և Տատյանա Պանովա-ն։
