Նոյեմբերյան համայնքի Ոսկեվան գյուղի Սուրբ Գայանե եկեղեցու գանձանակը 2-րդ անգամ են թալանել։ Ոսկեվանի բնակիչները պատմեցին, որ նախորդ անգամ եկեղեցու գանձանակի պարունակությունը թալանել էին, որից հետո գանձանակն ամրացրել էին եկեղեցու պատին, սակայն այս անգամ գողը կամ՝ գողերը պատից պոկել են գանձանակը և այն տարել իրենց հետ: Գողության դեպքի առթիվ դիմել են ոստիկանություն: Գողոնի չափը մեծ չէ` մոտ 15 հազար դրամ է ։ Ոսկեվանի բնակիչները հարգանք ունեն եկեղեցու հանդեպ եւ կարծում են, որ գողը տեղացի չէ: Նրանք կասկածներ ունեն, որ գողությունը կատարել է գյուղում բնակվող ոչ տեղացի, ոչ ադեկվատ վարքով մի տղամարդ, սակայն դրա համար ապացույցներ չկան։ Առայժմ գողությունը բացահայտված չէ։
