«Անտարես» հրատարակչության տնօրեն Արմեն Մարտիրոսյանը կարծում է, որ դեռ բավարար ժամանակ չի անցել, որպեսզի մշակույթի, կրթության, գիտության եւ սպորտի նախարարությունների միավորումից որեւէ փոփոխություն նկատելի լիներ։
«Կուզենայի, որ նախարարությունում չինովնիկները քչանան, քանի որ չինովնիկի գործը քաղաքացու սահմանափակումն է։ Պետք է կրճատումներ լինեն, եւ պետական ապարատի շատ լավ կադրեր պետք է գնան՝ իրական գործով զբաղվելու։ Պետական փողը պետք է ծառայի շատ ավելի կարեւոր նպատակների։ Պետք է մտածել, թե ինչպես պետք է քաղաքացուն ներգրավվել մշակույթի մեջ, ընթերցանությանը, կինոյին վերաբերող ծրագրերի, թանգարաններ այցելելու միջոցով։ Երբ քաղաքացու վրա պետությունը փող է ծախսում, քաղաքացին փողը տալիս է ստեղծագործողին, երբ պետությունը փողը տալիս է ստեղծագործողին, քաղաքացին, ներողություն բառի համար, ֆուկ է լինում։ Եթե փողը ծախսվում է նոր պիեսի համար, որը հանդիսատես չի ունենում, ո՞րն է դրա նպատակը»,- մեզ հետ զրույցում ասաց Արմեն Մարտիրոսյանը։
