ՀՕՊ ուժերը գիշերվա ընթացքում Ռուսաստանի մարզերի երկնքում որսացել և ոչնչացրել են մոտ 40 ուկրաինական ԱԹՍ։ Այս մասին հայտնում է ՌԴ պաշտպանության նախարարությունը։
«Անցած գիշերվա ընթացքում՝ Մոսկվայի ժամանակով մայիսի 13-ի ժամը 21:00-ից մինչև մայիսի 14-ի ժամը 07:00-ն ընկած ժամանակահատվածում, ՀՕՊ հերթապահ միջոցները որսացել և ոչնչացրել են ինքնաթիռային տիպի 36 ուկրաինական անօդաչու թռչող սարք Բելգորոդի, Բրյանսկի, Վորոնեժի, Կալուգայի, Կուրսկի, Նովգորոդի, Ռոստովի, Սմոլենսկի, Տվերի, Տուլայի մարզերի, Մոսկվայի շրջանի և Ղրիմի Հանրապետության տարածքներում»,-ասված է գերատեսչության հաղորդագրության մեջ։
