ԱՄՆ Արդարադատության նախարարի եւ Գլխավոր դատախազի պաշտոնակատար Թոդ Բլանշը հայտարարել է, որ Միացյալ Նահանգները պատրաստ է ամեն բան անել, որպեսզի Կուբայի հեղափոխության առաջնորդներից Ռաուլ Կաստրոն՝ Ֆիդել Կաստրոյի եղբայրը, տեղափոխվի Միացյալ Նահանգներ եւ կանգնի ամերիկյան դատարանի առաջ։ Այս մասին նա ասել է Fox News-ի հետ զրույցում։
«Մեզ անհրաժեշտ է, որ Կաստրոն լինի այստեղ՝ ԱՄՆ-ում եւ կանգնի դատարանի առաջ։ Մենք ամեն հնարավորը կանենք, որպեսզի նրան բերենք այստեղ»,- ասել է նա։
Բլանշը հիշեցրել է, որ ամերիկյան զինուժը կարողացել է առեւանգել Վենեսուելայի նախագահ Նիկոլաս Մադուրոյին, համարելով, որ դա բացառիկ օրինակ է, իսկ սովորաբար՝ ԱՄՆ-ն գործում է միջազգային բոլոր ընթացակարգերը պահպանելով։
