Ինչպես արդեն գիտենք, մայիսի 5-ին Գյումրիում կազմակերպվելու է հայ-ֆրանսիա հարաբերություններին նվիրված մեծ միջոցառում։
Վարդանանց հրապարակում նախատեսված «Երաժշտական կամուրջ. Հայաստան-Ֆրանսիա» համերգը, ըստ երևույթին, ոչ միայն մշակութային, այլև քաղաքական ընդգծված նշանակություն ունի։
Միջոցառմանը ներկա կլինեն Էմանուել Մակրոնը և Նիկոլ Փաշինյանը։ Տեղեկացանք, որ այդ օրը բեմում հանդես կգան ֆրանսիացի հայտնի երգիչներ Պատրիկ Ֆյորին, Ջոյս Ջոնաթանը, Մայքլ Կանիտրոն, իսկ հայ երգիչներից Էրիկ Կարապետյանը, Տաթև Ասատրյանը և Մաշա Մնջոյանը։
Համերգը կուղեկցվի սիմֆոնիկ նվագախմբով՝ դիրիժոր Սերգեյ Սմբատյանի ղեկավարությամբ։
