Մարկ Անդրե տեր-Շտեգենը հեռացել է «Բարսելոնայից»։ Թիմի ավագի ժապավենն այժմ «ազատ» է։ 33-ամյա դարպասապահը տեղափոխվել է «Ժիրոնա»՝ վարձակալական հիմունքներով եւ մինչեւ սեզոնի վերջ կմնա այնտեղ։ Սեզոնի մնացած ժամանակահատվածում թիմի ավագի պարտականությունները կկատարի Ռոնալդ Արաուխոն։
Նա խաղադաշտ է դուրս եկել ընթացիկ սեզոնում 16 անգամ եւ երկու գոլով աչքի ընկել։ Նոյեմբերի վերջից մինչեւ հունվարի սկիզբ՝ Արաուխոն թիմի տրամադրության տակ չի եղել՝ ունեցած հոգեբանական խնդիրների պատճառով։ Քսանվեցամյա մարզիկը բախվել է հոգեբանական խնդիրների հետ։ Նա հանդես է գալիս «Բարսելոնայում»՝ 2018 թվականից սկսած։
