Ադրբեջանն այս տարվա մարտ ամսին առաջին անգամ սկսել է Հայաստանից ապրանքներ ներկրել։ Ներմուծված ապրանքների ընդհանուր արժեքը կազմում է 960 դոլար։ Այս մասին հայտնում է ադրբեջանական Մաքսային կոմիտեն։ Միաժամանակ հաղորդվում է, որ այս տարվա առաջին կիսամյակին Ադրբեջանը Հայաստան է արտահանել 5 միլիոն 757 հազար դոլարի արտադրանք։ Միայն մարտ ամսվա պարագայում Ադրբեջանից Հայաստան կատարված արտահանումների արժեքը կազմում է 1 միլիոն 537 հազար դոլար։ Բաքուն նաեւ տեղեկացրել է, որ դեպի Հայաստան կատարված արտահանումներից ստացված եկամուտը կազմում է Ադրբեջանի ընդհանուր արտահանումներից ստացված եկամտի 0,1 տոկոսը։
