FOX Sports հեռուստաընկերությունը որոշում է կայացրել դադարեցնել Սաուդյան Արաբիայի ֆուտբոլի առաջնության հեռարձակումը՝ պորտուգալացի ֆուտբոլիստ Քրիշտիանու Ռոնալդուի՝ «Ալ Նասըրի» հանդիպումները բոյկոտելու որոշման ֆոնին։ Այս մասին հայտնում է Speedline-ը։ Հաղորդման համաձայն, այս որոշման հետեւանքով սաուդական ֆուտբոլային լիգան 2,4 միլիարդ դոլարի վնաս է կրել, քանի որ ըստ էության՝ գլոբալ հեղինակություն ունեցող լրատվամիջոցի եւ լիգայի կոմերցիոն նախագծերը ձախողվում են։
Ընդ որում, FOX Sports-ը առաջին խոշոր, միջազգային հեղինակություն ունեցող ՀԸ-ն է, որ հրաժարվում է սաուդական ֆուտբոլային առաջնությունը հեռարձակելուց։ Ռոնալդուն իր բոյկոտի շրջանակում արդեն բաց է թողել «Ալ Նասըրի» երկու հանդիպում։
