UFC-ի թեթև քաշային կարգի վարկանիշային աղյուսակը գլխավորող Արման Ծառուկյանը խոսել է հանրության քննադատական վերաբերմունքի և երկրպագուների հաճախ փոփոխվող տրամադրությունների մասին՝ նշելով, որ այդ ամենը չի ազդում իր մոտիվացիայի վրա։
Մարզիկի խոսքով՝ երկրպագուների վերաբերմունքը կարող է կտրուկ փոխվել շատ կարճ ժամանակում․ մեկ շաբաթ նրան գովում են, հաջորդ շաբաթ՝ քննադատում։ Սակայն, ինչպես ինքն է ընդգծում, դա իր համար որոշիչ չէ, քանի որ երկու դեպքում էլ շարունակում է ստանալ իր աշխատանքի դիմաց վարձատրությունը։
