Քիչ առաջ մենք տեղեկացրել էինք, որ դատախազությունը պատրաստվում է Բարձրագույն դատական խորհուրդ ներկայացնել Երևան քաղաքի առաջին ատյանի ընդհանուր իրավասության դատարանի դատավոր Արուսյակ Ալեքսանյանին դատավորի անձեռնմելիությունից զրկելու վերաբերյալ միջնորդություն՝ նրա նկատմամբ քրեական հետապնդում սկսկելու համար։ ԲԴԽ-ից հաստատել են տեղեկությունը։
Hraparak.am-ը կապ հաստատեց դատավոր Արուսյակ Ալեքսանյանի հետ, սակայն վեջինս չցանկացավ որևէ բան մեկնաբանել։
«Ոչինչ չեմ ուզում մեկնաբանել, ցտեսություն Ձեզ»,-ասաց նա ու անջատեց հեռախոսը։
Հիշեցնենք, որ մի քանի օր առաջ էլ դատախազությունը Վարչական դատարանի դատավոր Անի Հարությունյանի նկատմամբ քրեական հետապնդում իրականացնելու վերաբերյալ էր միջնորդություն ներկայացրել ԲԴԽ։ Բարձրագույն դատական խորհուրդը, սակայն, մերժել էր դատախազության միջնորդությունը։
