Մայիսի 29-ին Նիկոլ Փաշինյանը եւ ՔՊ-ականները քարոզչություն են արել Տավուշի մարզում։ Դիլիջանում քարոզչական հավաքին ստիպողաբար տարել են համայնքապետարանի ու դրա ենթակա հիմնարկների աշխատողներին։ Դիլիջան համայնքի Հաղարծին գյուղում հանրակրթական դպրոցի տնօրենի ժամանակավոր պաշտոնակատար Հասմիկ Աղաջանյանն աշխատանքային ժամին գնացել է հավաքին եւ իր հետ տարել դպրոցի ուսուցիչներին, աշխատողներին։ Բերդ քաղաքից հայտնեցին, որ Բերդի բժշկական կենտրոնի անձնակազմը` թողած աշխատանքը, վերադասի հրահանգով մասնակցել է քաղաքի ավտոկայարանում կայացած հանդիպմանը` Նիկոլ Փաշինյանի եւ ժամանած ՔՊ-ականների հետ։
