Ինչպես հայտնի է, Չեմպիոնների լիգայի 2025/26 թթ. խաղարկության անցումային փլեյ-օֆֆի պատասխան խաղում Միլանի «Ինտերը» սեփական հարկի տակ երեկ պարտվեց «Բուդյո-Գլիմտին» 1-2 հաշվով ու դուրս մնաց ՉԼ-ում ճանապարհը շարունակելու հնարավորությունից: Մրցակցի ստադիոնում էլ 3-1 էին պարտվել:
Խաղից մոտ երկու ժամ առաջ Sky Sports-ը հրատապ տեղեկություն տարածեց, ըստ որի, մեկնարկային կազմում անսպասելի փոփոխություն է լինելու․ Հենրիխ Մխիթարյանի փոխարեն խաղը սկսելու է Դավիդե Ֆրատեզին։
Քիչ անց տեղեկությունը պաշտոնապես հաստատվեց։ Թիմի գլխավոր մարզիչ Քրիստիան Կիվուն էլ նախախաղային հարցազրույցում անդրադարձավ այդ որոշմանը։
Նա ընդգծեց, որ Ֆրատեզին թիմին լրացուցիչ արժեք է տալիս և դա արդեն ապացուցել է նախորդ մրցաշրջաններում։
Մխիթարյանը այդպես էլ խաղադաշտում չհայտնվեց, ինչը առաջացել է «Իտնտերի» երկրպագուների դժգոհությունը: Նրանք կարծում են, որ խաղը գուցե այլ կերպ դասավորվեր, եթե Մխիթարյանը առաջին րոպեներից խաղար:
«Ահա թե որն է Ինձագիի ու Կիվուի տարբերությունը: Նա հաստատ Մխիթարյանին հնարավորություն կտար»,- նշել է երկրպագուներից մեկը:
«Առանց Մխիթարյանը «Ինտերը» միջակ թիմ է »,- արձագանքել է մյուսը:
