Վերակենդանացման բաժանմունքում գնտվող ավագ դպրոցի աշակերտ 18-ամյա Դավիթ Մինասյանը բժիշկների հսկողության տակ է, «Հրապարակի» հետ զրույցում ասաց Մինասյանի պաշտպան Լուսինե Մարտիրոսյանը:
«Հետազոտություններ են անում, թթվածնի ապարատին է միացված, երեկ եմ տեսել՝ պառկած է եղել: Խոսել ենք, իրեն հետաքրքրում է միայն իր աղոթելը, հարցնում է արդյոք մատուռ կա՞, որ կարողանա գնալ ու աղոթել, հարցնում է, թե քանի դաս է բաց թողել»,-ասաց Մարտիրոսյանը:
Ավագ դպրոցի բարձր առաջադիմությամբ երկվորյակներից Դավիթին մտահոգում են միայն իր դասերն ու աղոթքը՝ շեշտում է Մարտիրոսյանը: «Իր հետ խոսակցությունները միայն այս հարցերի շուրջ են եղել»,-շեշտեց պաշտպանը:
Մարտիրոսյանը նշում է, որ Դավիթի վիճակը դեռ լավ չէ, շատ չեն ծանրաբեռնել խոսակցությամբ, քանի որ նրա առողջական վիճակը դեռևս կայուն չէ:
