«Միլանի» մարզիչ Մասիմիլանո Ալեգրին տուգանվել է 10 հազար դոլարով՝ Իտալիայի Սուպերգավաթի կիսաեզրափակչում «Նապոլիի» հետ հանդիպման ժամանակ ցուցաբերած վարքագծի համար։ Տուգանքը նշանակել է Կարգապահական հանձնաժողովը։ Այս մասին հայտնում է Football Italia-ն։ Նշենք, որ հանդիպման ժամանակ Ալեգրին բազմաթիվ անգամներ վիրավորական արտահայտություններ եւ ոչ ընդունելի բառապաշար է թույլ տվել իրեն՝ նեապոլցիների մարզական կոորդինատոր Գաբրիելե Օրիալիի հասցեին։ Այդ վիրավորանքները լսելի են եղել նաեւ հանդիպման հեռուստահեռարձակման ընթացքում։ Հանդիպումից հետո «Նապոլին» հրապարակել էր հայտարարություն, որով դատապարտել էր «Միլանի» մարզչի պահվածքը։
