Լեհաստանի Գդանսկ քաղաքում, Ուկրաինայի վերականգնման համաժողովի շրջանակներում, կայացել է Ադրբեջանի և Լեհաստանի արտգործնախարարներ Ջեյհուն Բայրամովի ու Ռադոսլավ Սիկորսկու հանդիպումը, հայտնում են ադրբեջանական ԶԼՄ-ները՝ երկրի ԱԳՆ-ին հղումով։
Կողմերը ընդգծել են կանոնավոր քաղաքական երկխոսության և բարձր մակարդակի շփումների կարևորությունը՝ երկկողմ համագործակցությունն ավելի ամրապնդելու համար։
Ըստ ադրբեջանական կողմը, ի թիվս այլ հարցերի, Բայրամովն իր լեհ գործընկերոջը ներկայացրել է նաև հետպատերազմյան շրջանում տարածաշրջանում ստեղծված իրավիճակը, Ադրբեջանի և Հայաստանի միջև խաղաղության գործընթացում առաջընթացը։
Նախարարները նաև մտքեր են փոխանակել Ուկրաինային աջակցելու վերաբերյալ և քննարկել Հարավային Կովկասում ստեղծված իրավիճակը, տարածաշրջանային զարգացումները։
