Ռուս մեծ գրող Լեւ Տոլստոյի «Պատերազմ եւ խաղաղություն» վեպի առաջին հրատարակությունը, որը կատարվել է 1868-69 թթ, վաճառվել է աճուրդով՝ 1,6 միլիոն ռուբլի արժեքով։ Այս մասին տեղեկանում ենք «ԼիտՖոնդի» հայտարարությունից։ Այն դարձել է աճուրդային օրվա գլխավոր լոթերից մեկը։ Երկը բաղկացած է 6 հատորից։ Նախնական արժեքը եղել է 300 հազար ռուբլի։ Աճուրդային օրվա վաճառքների ընդհանուր գումարը կազմել է 35 միլիոն ռուբլի։ Վաճառվել են աճուրդի հանված լոթերի 80 տոկոսը։ Սա ցույց է տալիս, ինչպես նշում են մասնագետները, որ առկա է մեծ հետաքրքրություն եզակի գրքերի եւ պատմական փաստաթղթերի կամ ինքնագրերի հանդեպ։
