Ռուսաստանից Ադրբեջանի տարածքով Հայաստան կուղարկվի հացահատիկի և պարարտանյութերի ևս մեկ խմբաքանակ, հայտնում են ադրբեջանական լրատվամիջոցները։
Ըստ հաղորդագրության` այսօր առավոտյան 4 վագոն հացահատիկ և 4 վագոն պարարտանյութ կուղարկվի Հայաստան։
Գնացքը կուղևորվի «Բալաջարի» կայարանից, այնուհետև «Բոյուք Քեսիկ» կայարանով կշարժվի դեպի Վրաստան, իսկ հետո` Հայաստան:
Հիշեցնենք` երեկ Ադրբեջանի միջոցով Ռուսաստանից Հայաստան է ուղարկվել կարբամիդով երկու և ալյուրով մեկ վագոն։
Ըստ տվյալների` մինչ օրս Ռուսաստանից Հայաստան Ադրբեջանով տարանցմամբ ավելի քան 28 հազար տոննա հացահատիկ, ավելի քան 4 հազար տոննա պարարտանյութ, 133 տոննա ալյումին և 68 տոննա հնդկաձավար է ուղարկվել։
