ՀՀ կառավարարությունը տեղեկացրել է, որ վարչապետ Նիկոլ Փաշինյանը հուլիսի 28-ից օգոստոսի 15-ը ներառյալ կգտնվի արձակուրդում:
Այդ ժամանակահատվածում, բնական է, մտածում էինք, որ նա կվայելի իր հանգիստը, ժողովուրդն էլ կազատվի առավոտ կանուխ նրա հայհոյանքները լսելուց։
Բայց արի ու տես, որ Նիկոլ Փաշինյանը որոշել է իր արձակուրդային ռոմանսը հանրայնացնել։
Վաշինգտոնից նկարներ է հրապարակում, թե ինչպես է շփվում Դոնալդ Թրամփի, Ալիևի հետ։ Մեր ղեկավարներից ոչ ոք իր արձակուրդային սիրավեպերը չէր հանրայնացրել։ Սպիտակ տունը ևս հրապարակում է Թրամփի, Փաշինյանի և Ալիևի հետ հանդիպման կադրերը։ Մնում է Նիկոլ Փաշինյանին հարցնել՝ մենք քեզ արձակու՞րդ ենք ուղարկել, թե՞ վաշինգտոնյան սիրավեպերի։
Մարդ չի հասկանում, թե այդ սիրավեպերի հրապարակումով ու՞մ մոտ է փորձում խանդ առաջացնել․․․ Ամեն դեպքում Փաշինյանի հանդիպումը արձակուրդային է, ծառայողական չէ։ Հայաստանն ու հայ ժողովուրդը հավես չունի կենտրոնանալու արձակուրդային սիրավեպերի վրա։
