Կոտայքի մարզպետարանի տեղեկատվության և հասարակայնության հետ կապերի բաժնի պետի պաշտոնը արդեն 1 ամիս է ինչ թափուր է:Մարզպետարանի տեղեկատվության և հասարակայնության հետ կապերի բաժնի արդե նախկին պետ Լուսինե Մանուկյանը մարզպետարանում աշխատեց 7 ամիս, եւ ազատվեց աշխատանքից: Նրան բաժնի պետ էր նշանակել մարզպետը: Թե ինչո՞ւ են նրանց հարբերությունները լարվել, մարզպետարանում այդ մասին ոչինչ չեն խոսում:
Լուսինե Մանուկյանից հետաքրքրվեցինք, ի՞նչ գործունեություն է այժմ ծավալում, եւ ինչպիսի՞ն են իր եւ մարզպետի հարաբերությունները. «Երիտասարդ ժուռնալիստների ասոցիացիա» ՀԿ-ի համահիմնադիրն եմ ես, հիմա էլ ակտիվ գործում է: Ես մասամբ եմ ներգրավված այդ աշխատանքներում, որովհետև մի քանի կազմակերպություններում միաժամանակ PR-ի ուղղությամբ փորձագիտական ծառայություններ եմ մատուցում: Իմ՝ մարզպետարանում աշխատանքի անցնելն ու հետո այն թողնելը բնական պրոցեսներ են, արտառոց ոչինչ չեմ տեսնում, մինչ այդ, դրանից հետո և այդ ընթացքում ընդամենը զբաղվել եմ իմ սիրելի գործով: Նախապես չէի պլանավորել, որ 7 ամիս անց դուրս եմ գալու: Պարզապես սուբյեկտիվ պատճառ եմ ունեցել աշխատանքը թողնելու ու դիմում եմ ներկայացրել: Լրացուցիչ որևէ բան չեմ կարող ասել: Իսկ մարզպետի հետ նորմալ, գործնական հարաբերություններ են»,-ասաց Լուսինե Մանուկյանը:
Կոտայքի մարզպետ Ռոմանոս Պետրոսյանին հարցրինք, թե ինչո՞ւ է ազատվել տեղեկատվության և հասարակայնության հետ կապերի բաժնի պետը, Ռոմանոս Պետրոսյանը ասաց. «Բաժնի պետը ազատվել է սեփական դիմումի համաձայն։ Քանի որ տարածքային կառավարման նոր օրենքի համաձայն նախատեսվում է նաև հավանաբար այս հաստիքի կրճատում, այն թողել ենք թափուր առայժմ»։
Մարզպետի խոսքից կարելի է ենթադրել, որ մարզպետարաններում պետք է կրճատվի տեղեկատվության և հասարակայնության հետ կապերի բաժնի պետի հաստիք, եւ մարզպետը որոշել է առաջինն ի՞նքը կատարել օրենքի պահանջ:
