Այսօր «Մոսկվա» կինոթատրոնում տեղի է ունենում Տիգրան Արզաքանցյանի ձևավորած «Ուժը հայրենյաց» կուսակցության հիմնադիր համագումարը:
Մինչ համագումարի մեկնարկը, լրագրողների հետ ճեպազրույց ունեցավ Տիգրան Արզաքանցյանը:
Hraparak.am-ը հետաքրքրվեց` ինքը հիմա Նիկոլ Փաշինյանի հրաժարականը պահանջո՞ւմ է, թե՞ ոչ:
Արզաքանցյանն ասաց, որ ինքը միանձնյա չի որոշելու, այլ խմբով պետք է որոշեն:
«Նիկոլ Փաշինյանի հրաժարականը մենք խմբով ենք հիմա որոշելու, ես մենակ չեմ որոշելու»,-ասաց Արզաքանցյանը:
Հարցրինք, թե անձամբ ինքը ի՞նչ է մտածում, Փաշինյանը պետք է մնա՞, թե՞ պետք է հեռանա, Արզաքանցյանն արձագանքեց. «Դու հիմա պրովոկացիայի ես ենթարկում, ես գիտեմ, որ էսօրվա մեր իշխանությունը սխալ է գործում հանուն մեր հայրենիքի»:
Նա, սակայն, չկարողացավ բացատրել, թե հանուն հայրենիքի ինչպե՞ս են սխալ գործում:
Մանրամասն` տեսանյութում
