ԲՀԿ ցուցակով պատգամավորի թեկնածու, քաղաքագետ Սուրեն Սուրենյանցը հայտարարել է, որ ընդդիմադիր քաղաքական ուժերի առաջնորդների նկատմամբ իրականացվող գործողությունները փաստացի ուղղված են նաև նրանց ընտրող քաղաքացիների դեմ։
Նրա խոսքով՝ պաշտոնական տվյալներով ընդդիմադիր հիմնական կուսակցությունները միասին ստացել են շուրջ 550 հազար ձայն, և այդ քաղաքական ուժերի թիրախավորումը չի կարող դիտարկվել միայն որպես առանձին գործիչների նկատմամբ ճնշում։
Սուրենյանցը նշել է, որ ներկայում տեղի ունեցող գործընթացները, իր գնահատմամբ, արդեն դուրս են եկել ընտրական պայքարի շրջանակներից։ Նա պնդել է, որ Հայաստանում ձևավորվում է կառավարման այնպիսի համակարգ, որը, ըստ նրա, չի համապատասխանում ժողովրդավարական սկզբունքներին։
«Նիկոլ Փաշինյանը չի էլ հասկանում, որ թիրախավորելով ընդդիմության լիդերներին, նա թիրախավորում է ՀՀ 550 հազար քաղաքացու: Ըստ պաշտոնական տվյալների՝ հենց այդքան ձայն են հավաքել ընդդիմադիր առանցքային կուսակցությունները»,- ասել է նա:
