Ռուսաստանի նախագահ Վլադիմիր Պուտինն այսօր զանգահարել է Ադրբեջանի նախագահ Իլհամ Ալիևին, ասվում է Ադրբեջանի նախագահի մամուլի ծառայության հաղորդագրության մեջ, ըստ այդ երկրի ԶԼՄ-ների։
Հայտարարության համաձայն՝ երկկողմ և միջազգային արդիական հարցերի քննարկումից հետո առաջնորդները նշել են ռուս-ադրբեջանական հարաբերությունների կառուցողական բնույթը և երկու երկրների կառավարությունների ու համապատասխան գերատեսչությունների միջև երկխոսության ակտիվացումը։
Կողմերը վերահաստատել են փոխշահավետ համագործակցության հետագա ընդլայնման իրենց հանձնառությունը։
Հիշեցնենք, որ նախօրեին հայկական կողմի նախաձեռնությամբ կայացել էր Փաշինյան-Պուտին հեռախոսազրույցը։ Այդ անգամ էլ Ռուսաստանի նախագահը չի շնորհավորել Հայաստանի վարչապետին ՀՀ-ում կայացած խորհրդարանական ընտրություններում գրանցած հաղթանակի կապակցությամբ։
