25-րդ ձմեռային Օլիմպիական խաղերում Հայաստանը ներկայացնող գեղասահորդների զույգը՝ Կարինա Ակոպովա / Նիկիտա Ռախմանին, մրցաշարը ավարտել է 14-րդ հորիզոնականում։
Ազատ ծրագրում զույգը հանդես է եկել Միլիարդատերը հետնախորշերից ֆիլմի երաժշտության ներքո։ Նրանց կատարումը ժյուրիի կողմից արժանացել է 114.39 միավորի։
Մինչ այդ՝ փետրվարի 15-ին կայացած կարճ ծրագրում հայ գեղասահորդները սահել էին Արա Գևորգյանի «Արցախ» ստեղծագործության ներքո՝ վաստակելով 66.27 միավոր։
Երկու մրցումային օրերի արդյունքներով Կարինա Ակոպովա / Նիկիտա Ռախմանին զույգը հավաքել է ընդհանուր 180.66 միավոր և զբաղեցրել 14-րդ տեղը:
