ՖԻՖԱ-ն դիտարկում է ֆուտբոլի Ազգային առաջնությունների անցկացման կարգում փոփոխություններ կատարել։ Ինչպես գրում է The Guardian պարբերականը, ՖԻՖԱ-ն կարող է թույլ տալ լիգաներին անցկացնել հանդիպումներ իրենց երկրների տարածքներից դուրս։ Սակայն սա կարող է լինել սեզոնի ընթացքում միայն մեկ անգամ։ Հրապարակման մեջ ասված է, որ հյուրընկալով երկրները կարող են առավելագույնը մեկ սեզոնի ընթացքում հինգ հանդիպում անցկացնել՝ այլ առաջնությունների ակումբների մասնակցությամբ։ Նոր կարգը մշակվում է ՖԻՖԱ-ի հատուկ աշխատանքային խմբի կողմից՝ նպատակ ունենալով նմանատիպ հարցերը կարգավորել ռեգլամենտով։ Եթե ամեն բան բարեհաջող լինի, ապա նոր կանոնակարգը կսկսի գործել արդեն հաջորդ սեզոնից։
