Միլանի «Ինտերը» դիտարկում է հայազգի կիսապաշտպան Հենրիխ Մխիթարյանի պայմանագիրը մեկ մրցաշրջանով երկարացնելու հնարավորությունը։ Ըստ FcInterNews. it-ի՝ նոր առաջարկը ներառում է աշխատավարձի մոտ 20%-անոց նվազում:
Ակումբի ղեկավարությունը կարծում է, որ ճիշտ խաղաժամանակի բաշխման դեպքում Մխիթարյանը դեռ կարող է օգտակար լինել թե՛ խաղադաշտում, թե՛ հանդերձարանում։ Այդ պատճառով քննարկվում է պայմանագրի երկարաձգումը:
Հաղորդվում է, որ մարտին նախատեսվում է «Ինտերի» ներկայացուցիչների հանդիպումը Մխիթարյանի գործակալ Ռաֆայելա Պիմենտայի հետ։
