«Ռեննի» կենտրոնական պաշտպան Ժերեմի Ժակեն իր մարզական կարիերան կշարունակի անգլիական «Լիվերպուլում»։ Ակումբները կարողացել են պայմանավորվել քսանամյա մարզիկի տեղափոխման հարցի շուրջ։ Այս մասին հայտնում է լրագրող Ֆաբրիցիո Ռոմանոն։ Տեղափոխությունը տեղի կունենա ամռանը։ Գործարքը կարժենա 60 միլիոն եվրո, պլյուս՝ 10 միլիոն եվրո՝ բոնուսների տեսքով։ Երիտասարդ ֆրանսիացի մարզիկը արդեն համաձայնել է «Լիվերպուլ» տեղափոխմանը։ Նշենք, որ Ժակեի համար պայքարել է միանգամից մի քանի ակումբ՝ ներառյալ «Չելսին»։ Եւ մինչեւ վերջերս հենց լոնդոնյան ակումբն էր համարվում ֆավորիտը՝ ֆուտբոլային ծագող աստղի համար մղված պայքարում, սակայն «Լիվերպուլը» կարծես թե ավելի լավ կարողացավ «լեզու գտնել»։
