Չնայած մշակույթի նախարարությունը միավորվել է կրթության, գիտության եւ սպորտի նախարարության հետ, իսկ սփյուռքի նախարարությունն էլ՝ լուծարվել, սակայն նրանց կայքէջերը պահպանվել են նույնությամբ։ Այդ կայքերում նույնիսկ հայտարարություններ են տեղադրվում։ Միակ տարբերությունն այն է, որ մշակույթի նախարարության պաշտոնական կայքի վերեւում գրված է՝ ՀՀ կրթության, գիտության, մշակույթի եւ սպորտի նախարարություն։ Իսկ նախարարության պաշտոնական կայքում 14․06․2019թ․ դրությամբ շնորհավորել են Ռուզան Սարյանի 60-ամյակը, ծանուցել Պարույր Սեւակի ծննդյան 95-ամյակին նվիրված միջոցառման մասին, նաեւ այն մասին, որ «Ազնավուր» կենտրոնում կնշվի Երվանդ Քոչարի 120-ամյակը։ Մի քանի այլ հայտարարությունների կողքին կա նաեւ հայտարարություն հայ-իտալական մշակութային ժառանգության կենտրոնում թափուր հաստիքների վերաբերյալ։
Իսկ ահա սփյուռքի նախարարության պաշտոնական կայքում 31․05․2019թ․ դրությամբ տեղադրված է սփյուռքի նախարարի պարտականությունները կատարող Բաբկեն Տեր-Գրիգորյանի հրաժեշտի խոսքը։
