Ակտիվիստ Գեղամ Ասատրյանը, որը 1 տարի առաջ, հեղափոխության սկզբից մինչեւ վերջ մասնակցել է բոլոր ակցիաների, եւ որպես ուսանող առաջին շարքում եղել, կարծում է, այս օրը ժողովրդի գիտակցության բարձրացման օրն է. «Ցավոք այն ժամանակ, երբ հայտնի դարձավ, որ ապրիլ ամսի վերջին շաբաթը լինելու է քաղաքացու օր, առնվազն ժողովրդի մի հատվածի կողմից այն ընկալվեց կոնկրետ քաղաքական ուժի իշխանության գալու օր: Մեծ հույս ունեմ, որ տարիներ հետո քաղաքացիները կհասկանան, այս տոնը իրենց տոնն է»:
Գեղամ Ասատրյանից հետաքրքրվեցինք, թե ի՞նչ է փոխվել 1 տարվա ընթացքում ՀՀ քաղաքացու կյանքում եւ Հրազդան քաղաքում. «Շատերի մոտ գուցե սոցիալական կարգավիճակի փոփոխության չի եղել, բայց արժեհամակարգային շատ բաներ եղել են, հուսամ, որ ժողովուրդը կհասնա: Այո՛ ՀՀ քաղաքացու կյանքում փոփոխությունը ակներեւ է:
Ինչ վերաբերում է Հրազդանին, ապա Հրազդանում փոփոխությունները ավելի դժվար են լինելու, կամ մոտակա տարիներին չեն լինելու: Ցավոք Հրազդանում հիմնական մրցակցությունը գնում է երկու ուժերի միջեւ, եւ այս մրցակցությունը խոչընդոտելու է Հրազդանի զարգացմանը»:
