Ինչպես արդեն գրել ենք, առավոտյան բերման է ենթարկվել Գյումրու քաղաքապետ Վարդան Ղուկասյանի որդին` Սպարտակ Ղուկասյանը։ Ղուկասյանի փեսան` փոխքաղաքապետ Ավետիս Առաքելյանը «Հրապարակի» հետ զրույցում ասաց.
«Տեսել են` իր երեխային իջեցրեց մանկապարտեզ, ընկերոջ երեխան էլ մեջն է եղել, հաշվի չեն առել, 5-6 մեքենայով իջել են ու բերման ենթարկել։ Ընկերը հասել է, թե` էս ի՞նչ եք անում..., ոչ ձերբակալման թույլտվություն կա, ոչ բան....։Լրիվ քաղաքական պատվեր է, Ղուկասյանի դեմ են անում, բոլորիս եկեք` տարեք, ուզածներդ ի՞նչ է։ Էս պահին էլ ոչինչ չեն ասում, քննչականում փակել են, ոչ մի բան չեն ասում։ Հիմա գյումրեցիները բոլորը հավաքվում են, թող բացատրեն` ուզածներն ի՞նչ է»,֊ասաց Ղուկասյանի դստեր ամուսինը։
