Ռուսաստանի ՄԻՊ-ը մեղադրում է Հայաստանին

Ռուսաց լեզվի ուսուցման հնարավորությունների կրճատումը արտասահմանյան պետությունների տարածքում գործող դպրոցներում հանդիսանում է մարդու իրավունքների խախտում, որով տեղի ռուսալեզու բնակչությունը զրկվում է մայրենի լեզվի պահպանության եւ էթնո-մշակութային ինքնությունը պահպանելու իրավունքից։ Այս մասին հայտարարել է Ռուսաստանի ՄԻՊ Տատյանա Մոսկալկովան։

«Մի շարք պետություններում ռուսաց լեզվի ուսուցման կամ ռուսաց լեզվով դպրոցական ուսուցման կազմակերպման արգելքը դարձել է լրջագույն խնդիր եւ դա հանդիսանում է այն մարդկանց իրավունքների խախտում, որոնց համար ռուսերենը մայրենի լեզու է։ Դրանք Մերձբալթյան երկրներն են՝ Հայաստանը, Ղրղզստանը եւ այլ երկրներ, որտեղ ապրող ռուսալեզու բնակչությունը զրկված է երեխաներին ռուսերենով կրթություն ապահովելու հնարավորությունից»,- ասել է Մոսկալկովան՝ լրագրողների հետ հանդիպման ժամանակ։ Օմբուդսմենը նաեւ հավելել է, որ ներկայումս պետք է դիտարկել դեսպանատներին կից դպրոցների ընդլայնման հարցը։ Մոսկալկովան ասել է, որ պետք է պայքարել հանուն ռուսաց լեզվի ոչ թե զուտ լեզվի համար, այլ հանուն այն մարդկանց, ովքեր իրավունք ունեն պահպանելու լեզուն եւ մշակույթը, ռուսական ինքնությունը եւ տալ հնարավորություն մարդկանց ռուսաց լեզվով ստանալու կրթություն։

Մեկնաբանություն
X