ԱԺ արտահերթ նիստը՝ լուսանկարներով (ֆոտոշարք)

>

Կառավարության նախաձեռնությամբ այսօր Ազգային ժողովում գումարվել էր արտահերթ նստաշրջան։ Օրակարգում կար ընդամենը մեկ հարց՝ Սևանա լճից հավելյալ 40 մլն խմ ջրառ իրականացնելու հարցը։ Այս հարցի դեմ մինչ նիստի մեկնարկը ԱԺ-ի դիմաց ակցիա իրականացրին բնապահպան-ակտիվիստները։ Հարցի քննարկումն անցավ բավականին թեժ մթնոլորտում։ Սկզբում ՀՀԿ-ականները, որոնց անցյալ տարի նույն հավելյալ ջրառի նախագծի համար մեղադրում էին այժմյան իշխանությունները, փորձեցին նեղել հարցը զեկուցող, Ջրային տնտեսության պետական կոմիտեի նորանշանակ նախագահ Ինեսա Գաբայանին։

Գաբայանը սկզբում մի փոքր շփոթվեց ՀՀԿ-ականների հարցադրումներից, մի պահ զգացվեց, որ լավ չի պատկերացնում՝ իրեն ինչ հարց են ուղղում։ Բայց հետո ընկավ հունի մեջ, անգամ անցավ հակահարձակման՝ հիշեցնելով, որ ինքը նոր է նշանակվել և պատասխանատու է իր նշանակումից ի վեր տեղի ունեցածի համար, և որ խնդրահարույց հարցադրումները թող պատգամավորները ժամանակին ուղղեին նախորդ իշխանություններին։ Նա անգամ կոչ արեց ԲՀԿ-ական պատգամավոր Սերգեյ Բագրատյանին՝ հարցերը կոռեկտ ձևակերպել և այսպես շարունակ։ Ամեն դեպքում, ՀՀԿ-ականներին Գաբայանի ներկայացրած հիմնավորումներն այնքան էլ համոզիչ չթվացին, թե ինչու պետք է հիմա հավելյալ ջրառ իրականացնել, եթե մեկ տարի առաջ այսօրվա իշխանություններ դեմ են նմանատիպ նախագծին։ Ի վերջո, հարցի առաջին ընթերցումն ավարտվեց, գրեթե բոլոր պատգամավորները, անկախ բարձրացրած հարցադրումներից և ունեցած ելույթներից, ընդունեցին Սևանա լճից ոռոգման նպատակով հավելյալ ջրառի անհրաժեշտությունը և կողմ քվեարկեցին։ Վաղը տեղի կունենա հարցի երկրորդ ընթերցումը։

Hraparak.am-ի ֆոտոխցիկը ֆիքսել է ԱԺ արտահերթ նիստից հետաքրքիր դրվագներ, որոնք կարող եք դիտել վերևում ներկայացված սլայդում։

Վահե ՄԱԿԱՐՅԱՆ

Մեկնաբանություն
X