Արթնանալու է, մեզ է հիշելու, այնքան ժամանակ, մինչև հրաժարական տա․ Կարեն Պետրոսյան

Հուլիսի 14-ին կաթողիկոս Գարեգին Բ-ի՝ Վայոց Ձորի Գնդեվանքի եկեղեցական համալիր կատարած այցի ժամանակ «Նոր Հայաստան, նոր հայրապետ» նախաձեռնության անդամները շրջափակեցին կաթողիկոսին տեղափոխող մեքենան, երկար ժամանակ կաթողիկոսը դուրս չեկավ մեքենայից, այնուհետև երբ նա ի վերջո իջավ և սկսեց ոտքով քայլել, նախաձեռնության անդամները սկսեցին վանկարկել «Գարեգին հեռացիր, Սերժիկին միացիր», նույնիսկ սկսեցին հարցեր ուղղել Վեհափառին հայրապետին՝ «Ո՞վ է Շուշանիկը», «մենք աղանդավորնե՞ր ենք, թե՞ հավատացյալ զավակներ» և այլն, սակայն Վեհափառը լուռ էր։

Նախաձեռնության ամենաակտիվ անդամներից մեկից՝ Կարեն Պետրոսյանից, ով վերջերս նշանակվեց ՀՊՏՀ Գյումրու մասնաճյուղի տնօրենի ԺՊ-ի պաշտոնում, հետաքրքրվեցինք, թե ո՞րն էր կաթողիկոսի մեքենայի ճանապարհը փակելու նպատակը։ Նրա խոսքով՝ կաթողիկոսը Գնդեվանք էր ուղևորվել վանականներին իրենց դեմ տրամադրելու համար։

«Կաթողիկոսը պատրաստվում էր գնալ Գնդեվանք՝ վանական միաբանությանը համոզելու կամ մեր դեմ հանդես գալու ակնկալիքով, և մենք, ինֆորմացիա ունենալով Մայր Աթոռից՝ իր չակերտավոր մերձավորներից, էնտեղ բողոքի ակցիա են իրականացրել էն մարդիկ, ովքեր մոտ են եղել և գնացել են Գնդեվանք, և մենք իրեն ասել ենք, որ ամեն օր իր ստվերն ենք լինելու, որովհետև կաթողիկոսը բռնապետական համակարգ է ստեղծել մեր հայ իրականության մեջ և առավել ևս եկեղեցում։ Այն կաթողիկոսը, ով բռնազավթել է գահը, այն կաթողիկոսը, ով կեղծիքով և կաշառքներով է ընտրվել, կաթողիկոսը, ով իր ժողովրդին չի սիրում, չպիտի մնա։ Եվ նա ամեն օր մեզ հիշելու է, արթնանալու է, մեզ է հիշելու, այնքան ժամանկ, մինչև հրաժարական տա։

Մեր շարժման անդամները գնացել են գնդեվանք, քաղաքացիական խաղաղ ակցիա են իրականացրել, արգելափակել են մեքենայի ճանապարհը, որպեսզի ինքը իչնի, քայլի և նաև խոսի, պատասխանի հավատացյալների հարցերին, որովհետև մենք չենք ուզում ժողովրդից փախնող և մեքենայի մեջ թաքնվող կաթողիկոս։ Ավելին ասեմ՝ առանց գավազանի կաթողիկոս։ Դուք պատկերացնո՞ւմ եք։ Եկեղեցու մեջ մի ամբողջ հանգամանք կա, չասեմ պաշտոն, որ կոչվում է գավազանակիր, կաթողիկոսը ուխտագնացության առանց գավազանի՞ է գնացել, և առանց գավազան փախչում, նստում է մեքենան, որ իր հավատացյալների հետ չշփվի»։

Մեկնաբանություն
X