Մամուլի տեսություն

«Հրապարակ». Տրանսպորտի, կապի եւ տեղեկատվական տեխնոլոգիաների նախարարությունը տեղափոխվում է

Տրանսպորտի, կապի եւ տեղեկատվական տեխնոլոգիաների նախարարությունում ճամպրուկային վիճակ է. մոտ օրերս նախարարության աշխատակազմը կտեղափոխվի կառավարության նոր մասնաշենք եւ տեղ կզբաղեցնի անմիջապես Գլխավոր դատախազության հարեւանությամբ վերջերս վերանորոգված հատվածում։ Այդուհանդերձ, տրանսպորտի տեսչությունն ու ճանշինը տեղ կզբաղեցնեն «Հայփոստի» շենքի առաջին հարկում, քանի որ նոր մասնաշենքում բոլորը չեն տեղավորվում։ Հիշեցնենք, որ կապի եւ տրանսպորտի նախարարության շենքն ամիսներ առաջ աճուրդի է հանվել։ Ըստ լուրերի՝ պոտենցիալ գնորդներից մեկը «Ռոստելեկոմ» ընկերությունն է։ Լուրեր են շրջում նաեւ «Տաշիր գրուպի» մասին։ Սակայն աճուրդն արդեն մի քանի անգամ չի կայացել, օրերս հերթական փորձն է տապալվել՝ գնորդ չլինելու պատճառով։ Գաղտնիք չէ, որ ամեն տապալված մրցույթից հետո գնի անկում է տեղի ունենում։

Մեկնաբանություն
X