10 հետաքրքիր փաստ Մեքսիկայի մասին

Թեքիլայի, բուրիտոյի եւ շոկոլադի հայրենիքը նաեւ աշխարհում ամենից սիրված տուրիստական ուղղություններից է: Երկիրը պաշտոնապես կոչվում է Մեքսիկայի Միացյալ Նահանգներ, անկախացել է 19-րդ դարի առաջին կեսին, նույնիսկ հասցրել է լինել միապետություն: Մինչ այդ եղել է իսպանական գաղութ: Ունի հարուստ եւ բազմաշերտ մշակույթ, գաղութատիրական, հնդկական-ացտեկյան, ժամանակակից եւ այլն: Հայտնի է նաեւ որպես թրմամաֆիայի կենտրոնատեղիներից մեկը: Մեքսիկայում ամբողջական նահանգներ կարող են դառնալ մաֆիայի միջկլանային բախումների ռազմաճակատ: Ունի հարուստ խոհանոց, որը բաղկացած է ինչպես հնդկական-ացտեկյան, այնպես էլ հետագայում գաղութային ժամանակների ճաշատաեսակներից: Ի դեպ, հենց Մեքսիկան է համարվում բոլորիս քաջածանոթ պոպ-կորնի հայրենիքը, որը ացտեկները ստեղծել են դեռ երկու հազար տարի առաջ: Նույնկերպ նաեւ շոկոլադը ստեղծել են ացտեկները: Իսկ առհասարակ Մեքսիկայում հանգստանալիս երբեք չես ձանձրանա, քանի որ բնակիչները տաքարյուն են, տեմպերամենտով բարձր, ուրախ եւ հյուրասեր:

Մեկնաբանություն
X