Ըմբշամարտ. Արթուր Ալեքսանյանը` աշխարհի եռակի չեմպիոն

98 կգ քաշային կարգում Հայաստանի ներկայացուցիչ, Ռիո-2016-ի օլիմպիական չեմպիոն Արթուր Ալեքսանյանը Փարիզում ընթացող հունահռոմեական ըմբշամարտի աշխարհի առաջնության եզրափակչում հաղթեց ռուս Մուսա Եվլոևին 3:1 հաշվով և դարձավ աշխարհի եռակի չեմպիոն:

Կիսաեզրափակչում Արթուր Ալեքսանյանը 8:0 հաշվով ջախջախել էր ուզբեկ Ռուստամ Ասակալովին, քառորդ եզրափակչում 6:2 հաշվով հաղթել վրացի Ռևազի Նադարեիշվիլիին, 1/8 եզրափակչում 10:1 հաշվով հաղթել ամերիկացի Թրեյսի Հենքոկին, իսկ 1/16 եզրափակչում 3:1 հաշվով հաղթել իրանցի Սալեհիզադեին:

Մեկնաբանություն
X