Մամուլի տեսություն

«Հրապարակ». Ամեն ինչ՝ հանուն Աշոտ Արսենյանի

Վայոց Ձորի մարզպետ Հարություն Սարգսյանը, փոխմարզպետ Սամվել Թարվերդյանը, կրթության վարչության պետը, խախտելով օրենքը, աշխատանքային ժամին ՀՀԿ-ական թեկնածուի՝ Աշոտ Արսենյանի հետ մասնակցում են քարոզարշավին, կոչ անում ընտրել նրան: Ընդդիմադիր թեկնածուներից մեկը սա տեսագրել է եւ ուղարկել ԵԱՀԿ ԺՀՄԻԳ-ին: Վայոց Ձորի մարզպետը մեզ հետ զրույցում պնդեց, որ ինքը եւ կրթության վարչության պետը քարոզարշավին մասնակցում են՝ գտնվելով արձակուրդում, իսկ փոխմարզպետը ոչ աշխատանքային ժամերին է մասնակցում: Մեզ լուրեր էին հասել նաեւ, որ մարզում բոլոր ջանքերը գործի են դրել Արսենյանի օգտին, աշխատողներին՝ գործը կորցնելու սպառնալիքով, չաշխատողներին՝ 10 հազար դրամ «մաղարիչ» խոստանալով։ Դեռ հայտնի էլ չէ՝ Արսենյանը կգնա՞ խորհրդարան՝ առայժմ «փող է, որ ծախսում է»: Մեզ չհաջողվեց խոսել թեկնածուի հետ՝ նա չի պատասխանում զանգերին:

Մեկնաբանություն
X