Համացանցում մեծ հետաքրքրություն է առաջացրել տեսանյութ, որտեղ աշխարհահռչակ պաշտպան, «Բարսելոնայի» և Ֆրանսիայի ազգային հավաքականի խաղացող Ժյուլ Կունդեն մեքենայում երգում է հայազգի շանսոնյե Շառլ Ազնավուրի «Comme ils disent» ստեղծագործությունը։
Տեսանյութը արագ տարածվել է սոցիալական ցանցերում և մեծ հետաքրքրություն առաջացրել Ազնավուրի երաժշտության և ֆուտբոլային հանրահայտ դեմքի երկրպագուների շրջանում։ Բազմաթիվ օգտատերեր նշել են, որ Կունդենի կատարումը ցույց է տալիս, թե որքան էական նշանակություն ունեն երաժշտությունն ու արվեստը մարդկանց կյանքում՝ անկախ նրանց զբաղմունքից կամ մասնագիտությունից։
