Կառավարության գլխավոր մուտքը փակ է: Լրագրողներին խնդրեցին ետնամուտքից մտնել շենք, քանի որ առջևի մուտքը փակ է: Հետևի, իսկ ավելի ստույգ` Մելիք Ադամյանի կողմի մուտքում մեզ ստուգեցին, ապա խնդրեցին սպասել ետնամուտքում, մինչև ուղեկցող անձ կգա և մեզ կուղեկցի մամուլի սրահ: Այստեղ արդեն պարզեցինք, որ կառավարության գլխավոր մուտքի աջ պատը վերանորոգվում է, դրա համար էլ որոշել են միառժամանակ փակել այս մուտքը: Իսկ մեզ թվացել էր, թե Հայկ Մարությանի «Քաղաքապետը» ներկայացման անոնսից են կառավարությունում ոգեշնչվել և հասկացել, որ ճիշտը, երևի, ետնամուտքն է:
