Նիկոլ Փաշինյանը եթե նորից 0-ից ինչ որ բան է ստեղծում, ուրեմն՝ նորից ձախողում կլինի։
ՀՀ զինված ուժերի կազմավորման 34-րդ տարեդարձին նվիրված, ՊՆ-ում կայացած հանդիսավոր նիստի ժամանակ Նիկոլ Փաշինյանը հայտարարել է․ «Այսօր սերժանտական համակարգ է ներդրվում, որը շրջադարձային նշանակություն է ունենալու մեր Զինված ուժերի, մեր բանակի մարտունակության տրամաբանության մեջ: Եվ սա շատ երկար և մանրամասն քննարկված բովանդակային փոփոխություն է, որը շատ կարևոր եմ համարում։ Բոլորովին նոր, ըստ էության, զրոյից տարածքային պաշտպանության նոր համակարգ ենք ստեղծում։ Եվ սա էլ շատ էական է»։ Նիկոլ Փաշինանն, անտեսելով մեր բանակի տասնամյակներով ձեւավորված հաղթական, դրական ավանդույթները՝ 0-ից համակարգ է ստեղծում, որի անունը դրել է տարածքային պաշտպանություն։ Ռազմական հեղինակավոր, հանգուցյալ տեսաբանները նրա այդ գյուտից գերեզմաններում հիմա շուռ եկան։ Նիկոլ Փաշինյանը Արցախի հիմնախնդրի վերաբերյալ բանակցությունները սեփական կետից՝ 0-ից սկսեց, դա աղետով ավարտվեց։ Հիմա բանակի բարեփոխումն է 0-ից սկսում, ուրեմն՝ ձախողումն ապահովված է։
