Տավուշի մարզի բնակիչներից բողոքներ ենք ստացել, որ երբ առողջական խնդիրներ են ունենում եւ շտապ օգնություն են զանգահարում, ժամանած շտապ օգնության անձնակազմում բժշկի փոխարեն լինում է բուժքույր, ինչը իրենք անհանգստացնում է, որովհետեւ բժշկի որակավորում չունցեող բուժքույրը կարող է ոչ ճիշտ խորհուրդներ տալ կամ ոչ ճիշտ բժշկական առաջին օգնություն ցուցաբերել։ Մեր տեղեկություններով, Տավուշի պետական բուժհիմնարկներում բժիշկների պակաս կա։ Տավուշի մարզպետի աշխատակազմից տեղեկացանք, որ այս տարվա հուլիսի 21-ի դրությամբ, Տավուշի մարզի պետական բուժհիմնարկներում առկա է 4 ընտանեկան բժշկի, 6 շտապ օգնության բժշկի և 11 այլ մասնագիտության բժիշկների թափուր հաստիքներ: Մարզպետի աշխատակազմից հայտնել են, որ բժիշկների թափուր հաստիքների մասին հայտարարությունները տեղադրվում են առողջապահության նախարարության ինտերնետային կայքում։
