Վերջերս «Միսս Դոմինիկյան Հանրապետություն» ճանաչված Կառլինա Դյուրանին զրկել են հաղթական թագից, քանի որ բացահայտվել է, որ նա խաբել է մրցույթի կազմակերպիչներին եւ ժյուրիին: Մրցույթի պարտադիր պայման է հանդիսանում այն, որ մասնակցող աղջիկները պետք է ամուսնացած չլինեն, այնինչ Կառլինան ամուսին ունի դեռեւս 2009 թվականից: 25-ամյա գեղեցկուհին հայտարարել է, որ երբեք չի ապրել օրինական ամուսնու հետ եւ սովորել է իրեն չամուսնացած համարել, սակայն կազմակերպիչները գտել են, որ նա դիտավորությամբ խաբել է իրենց, ուստի նրան զրկել են հաղթանակից: Կառլինան «Միսս Դոմինիկյան Հանրապետություն» կոչումը եւ թագը կրել է ընդամենը մեկ շաբաթ: Ժյուրին արդեն նոր հաղթողի է ընտրել` Դուլչիտա Լյեջին, ով էլ ներկայացնելու է իր պետությունը «Միսս տիեզերք» մրցույթում:

Մենք գրել էինք, որ Ուկրաինայի նախկին վարչապետ Յուլյա Տիմոշենկոյի նկատմամբ ֆիզիկական ուժ է կիրառվել, իսկ երեկ ուկրաինական լրատվամիջոցներում տպագրվել են ծեծված Տիմոշենկոյի լուսանկարները: Ուկրաինայի մարդու իրավունքների պաշտպանն արեւմտյան երկրների դեսպանների հետ ուսումնասիրել է դատաբժշկական փորձաքննության եզրակացությունը` լուսանկարներով: «Մարմնական վնասվածքները ծանր առարկաների գործածության արդյունք են»,- նշված է եզրակացության մեջ: Իսկ ստամոքսի հատվածում առկա հեմատոմայի հետքերը, ըստ դատաբժիշկների, կարող էին առաջանալ բռունցքով բավականին ուժեղ հարվածելու արդյունքում: Կարդալ ամբողջությամբ

Ռուսաստանը լարված հարաբերությունների մեջ է Ուկրաինայի իշխանությունների հետ: Վերջերս լուրեր են տարածվել, թե Ուկրաինայի նախկին վարչապետ Յուլյա Տիմոշենկոյին բանտում ծեծել են (հիշեցնենք, որ Տիմոշենկոն բանտարկվել է Ռուսաստանի հետ կնքած գազի առեւտրի պայմանագիրը ստորագրելիս պաշտոնեական դիրքի չարաշահման մեղադրանքով): Ուկրաինական ռադայի պատգամավորներից մեկը երկար խոսել է Ուկրաինա-Ռուսաստան հարաբերությունների մասին՝ նշելով, որ Ռուսաստանը շահագրգռված է, որպեսզի «իբր» թե տեղի ունեցած բռնությունը հնարավորինս մեծ հրապարակայնություն ստանա, քանի որ Ռուսաստանի միակ նպատակն է Ուկրաինայի եւ Եվրամիության միջեւ սեպ խրել, իսկ այս պատմությունը վարկաբեկում է Ուկրաինային: Նշենք, որ ռուսական լրատվամիջոցները մեկը մյուսի ետեւից փոխանցում են այս կամ այն ռուս պաշտոնյայի հաղորդումը, որ «Ռուսաստանն ուշիուշով հետեւում է Տիմոշենկոյի գործին»: Կարդալ ամբողջությամբ

Ամերիկայի Միչիգան նահանգում արտասովոր դեպք է գրանցվել. 26-ամյա Քրիստինա Բոլդենը լույս աշխարհ է բերել զույգ երեխաների իր մահից մեկ ամիս անց: Տղաները լույս աշխարհ են եկել սովորականից 3 ամիս շուտ, այդ պատճառով էլ փոքրամարմին եւ թույլ են, նրանց հատուկ պայմաններում են պահում եւ հարազատներին դեռեւս արգելում են տեսակցել: Նիկոլաս եւ Ալեքսանդր Բոլդենների քաշը կազմում է ընդամենը 1 կգ, իսկ հասակը 15 սանտիմետր է: Կարդալ ամբողջությամբ

Աշխարհում մատների թվի նոր ռեկորդ է գրանցվել: Ակշտատ անունով փոքրիկ տղան ծնվել է 10-ական մատներով՝ ոտքերին, եւ 7-ական` ձեռքերին: Հիվանդության այս տեսակը կոչվում է պոլիդակտիլիա, որը փոխանցվում է ժառանգաբար կամ առաջանում է գեների մուտացիայի արդյունքում: Կարդալ ամբողջությամբ

2012 թվականի առաջին եռամսյակում «Nokia» ընկերությունը վերջին 14 տարիների կտրվածքով առաջին անգամ համաշխարհային շուկայում բջջային հեռախոսների մատակարարման քանակով զիջել է իր դիրքերը «Samsung»-ին: Կորեական «Samsung» ընկերությունը այս տարվա առաջին երեք ամիսների ընթացքում 93.5 միլիոն բջջային սարքավորումներ է մատակարարել աշխարհի բազմաթիվ երկրներին, իսկ ֆինական «Nokia»-ն` 82.7 միլիոն: «Strategy Analytics»-ի տվյալներով` 2012 թվականի առաջին եռամսյակում «Nokia»-ն զբաղեցրել է բջջային շուկայի 22,5%-ը, իսկ «Samsung»-ը` 25,4%-ը:

Ուկրաինայի Դնեպրոպետրովսկ քաղաքում տեղի ունեցած պայթյունների արդյունքում մոտ 27 մարդ է տուժել, զոհերի վերաբերյալ պաշտոնական տեղեկատվություն չկա, թեեւ քաղաքում խոսակցություններ են պտտվում նաեւ մահացածների վերաբերյալ: Ըստ պաշտոնական տվյալների` Դնեպրոպետրովսկում 4 պայթյուն է գրանցվել, սակայն ուկրաինական լրատվամիջոցները հայտնում են, որ դրանք ավելի շատ են եղել: Առաջին պայթյունը գրանցվել է կեսօրին` քաղաքի կենտրոնում, տրամվայների կանգառում, հաջորդը տեղի է ունեցել «Ռոդինա» կինոթատրոնի մոտակայքում, երրորդ պայթյունը տեղի այգու մոտակայքում է եղել, իսկ չորրորդը գրեթե նույն վայրում, ինչ առաջինը: Կարդալ ամբողջությամբ