ՀՀ ոստիկանությունը տեղեկացնում է, որ Մայիսի 10-ին, ժամը 22.00-ին, ոստիկանության Նաիրիի բաժնում հաղորդում է ստացվել, որ կրծքավանդակի կտրած-ծակած վերքով Աշտարակի բժշկական կենտրոն է տեղափոխվել Նոր Երզնկա գյուղի բնակիչ, 1936 թ. ծնված Զավեն Մարտիրոսյանի դիակը:

Հանգամանքները պարզվում են: Կատարվում է նախաքննություն:

ՀՀ արտաքին գործերի նախարարությունը տեղեկացնում է, որ Մայիսի 10-ին ՄԱԿ-ում տեղի է ունեցել Անվտանգության Խորհրդի հակաահաբեկչության հարցերով զբաղվող կոմիտեների զեկույցների քննարկում, որն անցկացվում էր ԱԽ գործող նախագահ Ադրբեջանի նախագահության ներքո: ՀՀ ԱԳՆ-ի հաղորդագրության համաձայն, Ադրբեջանը փորձել է չարաշահել նախագահողի իր դիրքը` մերժելու համար հանդիպմանն ելույթ ունենալու Հայաստանի խնդրանքը` «գիտակցելով, որ հայկական կողմն անպատասխան չի թողնի անցած շաբաթ ՄԱԿ-ի այդ մարմնում Ադրբեջանի նախագահի ցինիկ և ստահոդ հայտարարությունները»:  Կարդալ ամբողջությամբ

Մոտ 20 օր առաջ (26.04.2012) «Հրապարակի» միջոցով վարչապետ Տիգրան Սարգսյանին նամակ էր գրել Սյունիքի մարզի հեռավոր Բալաք գյուղի բնակիչ Բաբկեն Դավթյանը: Նա  ահազանգել էր իր սոցիալական վիճակի ու փլված տան մասին: Բաբկեն Դավթյանը տասը երեխաների հայր է, ինչպես նաեւ բազմաթիվ թոռնիկների պապիկ: Թոշակառու է, ապրում է հողագործությամբ ու անասնապահությամբ: Տարիներ շարունակ բնակվում է սողանքների վրա գտնվող փլված մի տանը: Թեեւ 90-ականներից մինչ օրս բարձրաձայնել է խնդրի մասին, սակայն մարզային իշխանությունն անուշադրության է մատնել լուծումը: Բաբկեն պապիկն էլ, ստիպված, անչափահաս թոռների հետ՝ փլատակներից փրկվելու համար, ձմռանը գոմում է անցկացնում, ամռանը՝ վրանի տակ: Մենք երեկ տեղեկացանք, որ Տիգրան Սարգսյանն արձագանքել է Բաբկեն Դավթյանի սրտառուչ նամակին: Կարդալ ամբողջությամբ

Հայաստանում արդեն ամիսներ շարունակ գործող MMM ֆինանսական պիրամիդայի մասին մենք արդեն գրել էինք: Գրել էինք, որ մարդիկ ներդրումներ են արել Մավրոդիի ֆինանսական բուրգում` ոսկեղեն են գրավ դրել, «Ֆինկա» վարկային կազմակերպությունից մի քանի հազար դոլար վարկ են վերցրել, ներդրել MMM-ում` արագ եկամուտ ստանալու համար: Սա առաջին հայացքից շատ գայթակղիչ առաջարկ է: Ասենք, 1000 դոլար ներդնելու դեպքում մեկ տարի հետո ներդրողին խոստանում են 17 հազար դոլար վերադարձնել: Սա միանգամից գրավում է մարդկանց, եւ նրանք երկու ոտքով ընկնում են թակարդը: Մոտավոր հաշվարկով աշխարհում մոտ 30 միլիոն մարդ ընկել է «Մավրոդիի թակարդը»: Կարդալ ամբողջությամբ

Այսօր Աղվերանում սկսվել է «Լրատվական նոր էջ» խորագրով աշխատանքային հանդիպում ԶԼՄ-ների ներկայացուցիչների հետ, որը կազմակերպել է «Հանրային տեղեկատվություն եւ գիտելիքի կարիք» հասարակական կազմակերպությունը` Եվրոպական միության եւ ՄԱԿ-ի Հանրային տեղեկատվության վարչության աջակցությամբ: Կարդալ ամբողջությամբ

Մայիսի 9-ին Ինդոնեզիայի մայրաքաղաք Ջակարտայի մոտ ցուցադրական թռիչք կատարելիս կործանվել է «Սուխոյ սուպերջեթ-100» ուղեւորատար ինքնաթիռը: Ինքնաթիռի 8 հոգանոց անձնակազմը, ինչպես նաեւ 40 ուղեւորները զոհվել են: Այս դեպքն ուշագրավ է նրանով, որ «Սուխոյ սուպերջեթ-100»-ը ԽՍՀՄ փլուզումից հետո ռուսական արտադրության առաջին ուղեւորատար օդանավն է: Այդ օդանավի առաջին պատվիրատուն եւ շահագործողը եղել է ՀՀ ազգային փոխադրող «Արմավիան», որն առաջին նման օդանավը՝ «Յուրի Գագարին» անվամբ, Հայաստան է բերել դեռ մեկ տարի առաջ եւ «Սուխոյ» ընկերության հետ ունի պայմանագիր եւս մի քանի այդպիսի օդանավեր մատակարարելու մասին: Կարդալ ամբողջությամբ